EN
Grivam / Prayers / Shiva / Shiva Tandava Stotram

Shiva Tandava Stotram

Shiva

Prayer text

जटाटवी गलज्जल प्रवाह पावितस्थले
गलेवलम्ब्य लम्बितां भुजङ्गतुङ्गमालिकाम् ।
डमड्डमड्डमड्डमन्निनादवड्डमर्वयं
चकार चण्डताण्डवं तनोतु नः शिवः शिवम् (1)
जटाकटाहसम्भ्रमभ्रमन्निलिम्पनिर्झरी
विलोलवीचिवल्लरी विराजमानमूर्धनि ।
धगद्धगद्धगज्ज्वलल्ललाट पट्टपावके
किशोरचन्द्रशेखरे रतिः प्रतिक्षणं मम (2)
धराधरेन्द्र नन्दिनी विलासबन्धु बन्धुर
स्फुरद्दिगन्त सन्तति प्रमोद मानमानसे ।
कृपाकटाक्षधोरणी निरुद्ध दुर्धरापदि
क्वचिद्दिगम्बरे मनोविनोदमेतु वस्तुनि (3)
जटाभुजङ्ग पिङ्गल स्फुरत्फणा मणिप्रभा
कदम्ब कुङ्कुम द्रव प्रलिप्त दिग्वधूमुखे ।
मदान्ध सिन्धुर स्फुरत्त्वगुत्तरीयमेदुरे
मनो विनोदमद्भुतं बिभर्तु भूतभर्तरि (4)
सहस्रलोचन प्रभृत्यशेषलेख शेखर
प्रसूनधूलि धोरणी विधूसराङ्घ्रि पीठभूः ।
भुजङ्गराजमालया निबद्ध जाटजूटकः
श्रियै चिराय जायतां चकोरबन्धु शेखरः (5)
ललाट चत्वरज्वलद्धनञ्जय स्फुलिङ्गभा
निपीत पञ्चसायकं नमन्निलिम्पनायकम् ।
सुधामयूखलेखया विराजमान शेखरं
महाकपालि सम्पदे शिरोजटालमस्तु नः (6)
कराल फालपट्टिका धगद्धगद्धगज्ज्वल-
-द्धनञ्जयाहुतीकृत प्रचण्ड पञ्चसायके ।
धराधरेन्द्र नन्दिनी कुचाग्र चित्रपत्रक-
-प्रकल्पनैकशिल्पिनि त्रिलोचने रतिर्मम (7)
नवीनमेघमण्डली निरुद्ध दुर्धर स्फुरत्
कुहू निशीथिनी तमः प्रबन्ध बद्ध कन्धरः ।
निलिम्प निर्झरीधरस्तनोतु कृत्तिसिन्धुरः
कलानिधान बन्धुरः श्रियं जगद्धुरन्धरः (8)
प्रफुल्ल नील पङ्कज प्रपञ्च कालिमप्रभा-
-वलम्बि कण्ठ कन्दली रुचि प्रबद्ध कन्धरम् ।
स्मरच्छिदं पुरच्छिदं भवच्छिदं मखच्छिदं
गजच्छिदान्धकच्छिदं तमन्तकच्छिदं भजे (9)
अखर्व सर्वमङ्गला कलाकदम्बमञ्जरी
रसप्रवाह माधुरी विजृम्भणा मधुव्रतम् ।
स्मरान्तकं पुरान्तकं भवान्तकं मखान्तकं
गजान्तकान्धकान्तकं तमन्तकान्तकं भजे (10)
जयत्वदभ्र विभ्रम भ्रमद्भुजङ्गमश्वस-
-द्विनिर्गमत् क्रमस्फुरत् कराल फालहव्यवाट् ।
धिमिद्धिमिद्धिमिध्वनन् मृदङ्ग तुङ्ग मङ्गल-
-ध्वनिक्रम प्रवर्तित प्रचण्ड ताण्डवः शिवः (11)
दृषद्विचित्र तल्पयोर्भुजङ्ग मौक्तिक स्रजो-
-र्गरिष्ठ रत्नलोष्ठयोः सुहृद्विपक्ष पक्षयोः ।
तृणारविन्द चक्षुषोः प्रजामही महेन्द्रयोः
समप्रवृत्तिकः कदा सदाशिवं भजाम्यहम् (12)
कदा निलिम्पनिर्झरी निकुञ्जकोटरे वसन्
विमुक्त दुर्मतिः सदा शिरस्थमञ्जलिं वहन् ।
विलोल लोललोचनो ललामफाललग्नकः
शिवेति मन्त्रमुच्चरन् कदा सुखी भवाम्यहम् (13)
इमं हि नित्यमेवमुक्तमुत्तमोत्तमं स्तवं
पठन् स्मरन् ब्रुवन्नरो विशुद्धिमेति सन्ततम् ।
हरे गुरौ सुभक्तिमाशु याति नान्यथा गतिं
विमोहनं हि देहिनां सुशङ्करस्य चिन्तनम् (14)
पूजावसानसमये दशवक्त्रगीतं
यः शम्भुपूजनपरं पठति प्रदोषे ।
तस्य स्थिरां रथगजेन्द्र तुरङ्गयुक्तां
लक्ष्मीं सदैव सुमुखीं प्रददाति शम्भुः (15)

Colophon

इति श्रीदशकण्ठरावण विरचितं श्री शिव ताण्डव स्तोत्रम् ।

Transliteration

Jatatavi galajjala pravaha pavitasthale galevalambya lambitam bhujangatungamalikam,
damaddamaddamaddamanninadavaddamarvayam chakara chandatandavam tanotu nah shivah shivam. (1)
Jatakatahasambhramabhramannilimpanirjhari vilolaviichivallari virajamanamurdhani,
dhagaddhagaddhagajjvalallalata pattapavake kishorachandrashekhare ratih pratikshanam mama. (2)
Dharadharendra nandini vilasabandhu bandhura sphuraddiganta santati pramoda manamanase,
kripakatakshadhorani niruddha durdharapadi kvachiddigambare manovinodametu vastuni. (3)
Jatabhujanga pingala sphuratphana maniprabha kadamba kunkuma drava pralipta digvadhumukhe,
madandha sindhura sphurattvaguttariyamedure mano vinodamadbhutam bibhartu bhutabhartari. (4)
Sahasralochana prabhrityasheshalekha shekhara prasunadhuli dhorani vidhusaranghri pithabhuh,
bhujangarajamalaya nibaddha jatajutakah shriyai chiraya jayatam chakorabandhu shekharah. (5)
Lalata chatvarajvaladdhananjaya sphulingabha nipita panchasayakam namannilimpanayakam,
sudhamayukhalekhaya virajamana shekharam mahakapali sampade shirojatalamastu nah. (6)
Karala phalapattika dhagaddhagaddhagajjvala-ddhananjayahutikrita prachanda panchasayake,
dharadharendra nandini kuchagra chitrapatraka-prakalpanaikashilpini trilochane ratirmama. (7)
Navinameghamandali niruddha durdhara sphurat kuhu nishithini tamah prabandha baddha kandharah,
nilimpa nirjharidharastanotu kruttisindhurah kalanidhana bandhurah shriyam jagaddhurandharah. (8)
Praphulla nila pankaja prapancha kalimaprabha-valambi kantha kandali ruchi prabaddha kandharam,
smaracchidam puracchidam bhavacchidam makhacchidam gajacchidandhakacchidam tamantakacchidam bhaje. (9)
Akharva sarvamangala kalakadambamanjari rasapravaha madhuri vijrimbhana madhuvratam,
smarantakam purantakam bhavantakam makhantakam gajantakandhakantakam tamantakantakam bhaje. (10)
Jayatvadabhra vibhrama bhramadbhujangamashvasa-dvinirgamat kramasphurat karala phalahavyavat,
dhimiddhimiddhimidhvanan mridanga tunga mangala-dhvanikrama pravartita prachanda tandavah shivah. (11)
Drishadvichitra talpayorbhujanga mauktika srajo-rgarishtha ratnaloshthayoh suhridvipaksha pakshayoh,
trinaravinda chakshushoh prajamahi mahendrayoh samapravrittikah kada sadashivam bhajamyaham. (12)
Kada nilimpanirjhari nikunjakotare vasan vimukta durmatih sada shirasthamanjalim vahan,
vilola lolalochano lalamaphalalagnakah shiveti mantramuccharan kada sukhi bhavamyaham. (13)
Imam hi nityamevamuktamuttamottamam stavam pathan smaran bruvannaro vishuddhimeti santatam,
hare gurau subhaktimashu yati nanyatha gatim vimohanam hi dehinam sushankarasya chintanam. (14)
Pujavasanasamaye dashavaktragitam yah shambhupujanaparam pathati pradoshe,
tasya sthiram rathagajendra turangayuktam lakshmim sadaiva sumukhim pradadati shambhuh. (15)

Colophon

Iti shri-dashakantha-ravana virachitam shri shiva tandava stotram.

Meaning

Verse 1: From his tangled matted hair flows the sacred water of the Ganga, wetting his neck where a towering serpent hangs like a garland; to the beat of his damaru drum, Shiva performs his fierce, auspicious dance — may he grant us all good fortune.

Verse 2: My heart delights every moment in Shiva, on whose crown the restless waves of the celestial river swirl through his matted locks, his forehead ablaze, adorned with the young crescent moon.

Verse 3: May my mind find joy in him, the sky-clad Lord, the beloved companion of the mountain-king’s playful daughter, whose merciful glance removes every hardship.

Verse 4: May my mind delight in the Lord of all beings — crowned with a jewel-hooded serpent, his bride’s face glowing with saffron, his shoulders draped in the hide of the elephant-demon he subdued.

Verse 5: May he whose feet are dusted by the bowed heads of Indra and the gods, whose matted locks are bound by the king of serpents, and whose crest bears the moon — friend of the chakora bird — grant us lasting prosperity.

Verse 6: May the Lord with the blazing fire on his forehead that consumed the god of love, saluted forever by the king of the gods, crowned with the cool crescent moon and wearing a garland of skulls, bless us with wealth.

Verse 7: May my heart find joy in the three-eyed Lord, dreadful of forehead, who offered the god of desire into his fire, and who alone is skilled enough to paint delicate patterns on the breast of the mountain-king’s daughter.

Verse 8: May the Lord whose dark throat resembles the massed clouds of a moonless night, who bears the celestial river on his head, wears an elephant-hide, and carries the whole world’s burden, grant us prosperity.

Verse 9: I worship him whose throat gleams dark as a full-blown blue lotus — the destroyer of the god of love, of the three demon cities, of worldly bondage, of ill-performed sacrifice, of the elephant-demon, of Andhaka, and of death itself.

Verse 10: I worship him who is like a bee drawn to the honeyed sweetness of the Goddess’s manifold graces — the same destroyer of desire, of the three cities, of bondage, of flawed sacrifice, and of the demons of elephant-form, blindness and death.

Verse 11: Victory to Shiva, whose fierce dance blazes on as the wandering serpent’s breath fans the fire on his brow, moving to the rising, auspicious dhimi-dhimi beat of the mridangam drum.

Verse 12: When will I worship the eternal Shiva with a mind that sees no difference between a bed of stone and one strewn with pearls, between precious gems and clay, between friend and foe, between a blade of grass and a lotus petal, or between a king and an ordinary person?

Verse 13: When will I find happiness — dwelling in some forest hollow by the celestial river, free of ill thoughts, hands folded above my head, restless eyes at peace, chanting the mantra "Shiva" upon my brow?

Verse 14: One who constantly reads, remembers or recites this greatest of hymns attains lasting purity, and swiftly gains true devotion to the Guru and to Hari — for meditating on the auspicious Shankara dispels the delusion of embodied beings.

Verse 15: To one who sings this song composed by the ten-headed Ravana, or recites it in devotion to Shambhu at dusk after worship, Shambhu ever grants lasting prosperity — chariots, mighty elephants, horses, and the gracious favour of Lakshmi.

Colophon: Thus ends the Shiva Tandava Stotram, composed by the glorious ten-headed Ravana.

Pray this with othersWhatsApp
About this text
Source: shlokam.org
Licence: classical text, public domain
Spotted a mistake? Tell us

More for Shiva